Was isch au des – FAQ
Also des isch Englisch ond heißt „Häufig gestellte Fragen“ oder frei übersetzt: Frog An Qulaifzierda (Fachmann). I beandword hier also Froga die du evenduell hosch!
Zauberer ond schwäbisches Kabarett uf meiner Veranstaltung? Was brengd mer den des?
Hano wer so saudomm frogt der griegt au a guada Andwort. Also Kerle bass uf. Deine Gäst don Stauna, Lacha und werad dei Feier nemme vergessa. Du schenksch de Leid a Erinnerung fürs Leba. Woisch du muasch wissa – magische und humorvolle Augablicke send a Gschenk an Deine Gäschd ond an dein Jubeldag.
Ko i den Zauberer und Kabarettist au für mei privata Veranschdaldong bucha?
Ha scho wieder so a Frog… du kosch mr schon a Loch e dr Bauch froga – also dr Dünnbier hod speziell für persönliche Feira wia Geburtstag, Hochzeit oder a Jubiläum a superverblüffende Show. Des sorgt drfür das du ond Deine Gäschd recht verzaubrad send on au no suamäßig guad lacha kennad.
Mei Feier fendet aber ned em Schwobaländle statt.
Koi Problem! Wenn da des älles lesa kosch ond au no verschdosch no ben i dr Rechte für die. Also leg los ond ruaf me a – 0177/3923345
Wia lang brauchsch Du bis da aufbaud hosch?
Mei professionelles Equipment isch ruckzuck aufbaut.
Folgende Punkte unterstützad mi bei meine Auftriddla:
Die Bedienungen hen abgräumt ond Gäst send mit Getränk versorgt.
Bestuhlung isch so, das älle mi problemlos seha könnad.
Auftrittsfläche isch hell beleuchded. A Fläch von 2 auf 2 Meter ist guad, optimal send 3 auf 3 (s gohd auch enger – wen i des woiß).
Muas i für dei Show ebbas vorbereida oder organisiera?
Du hoschd faschd koine Vorbereitunga. I breng a älles mid. (Headset-Mikrofon, Sprech- und Funkanlage) I han fasch koine Aufbauzeida.
Kann ich mir des Leischda?
I mach dr an Vorschlag ruaf me o, ond wenn´s einigermaßa bassd – no fend mr au an Weg.